سجاد سيد محسن
06-04-2009, 11:17 AM
اعله وياي ماكو لا تعيل وياي
مو بالكيف اشيلن ظلي عن كَاعك
جن انا حبل وانت علّي مشرور
وبس اهلك اصيرن مسبب أوجاعك
اكًلن لك صراحة وما اضم اعليك
الكرامه عاليه وصح خاطري طاعك
صعب بيده النهر يحفرلك الابار
اذا ابصحره وبعد ميفسر ضياعك
مني طيحيتك مــــــــو لأن اثكَيل
لأن ظهري نهر وايبوّره باعك
طبع منجل تظل تكَطع خضار اصفار
وتسولف بالحصاد وتمدح اطباعك
ليغرك بُعد بالعكس بالانظار
تصغر بالعيون شما رحت غادي
وليغرك كُبر عالي الجبل بالشوف
شما يكبر يظل وك ابحضـن وادي
راسك ما عله يل ما شفت رجليك
شفايدته العلو اعله الغير اسنادي
صح انا ارض وانت جذع عملاق
لومه اتدوس بطني الحال مترادي
واذا ابعدك محصّن هذا لا مو سور
البعد هذا اشتهاك وشفته مفتوحه
واذا انت تأمن عندك جناحات
وتطير لحد بعد العيون متلوحه
لو هب العصف يتطاير اكبر طير
وايطيرة الهوه وما تنفع اجنوحه
صدكَ مو بعد غرك رحت ليغاد
صدكَ هل بعد دفعة الـَمرجوحه
الشاعر سجاد سيد محسن
مو بالكيف اشيلن ظلي عن كَاعك
جن انا حبل وانت علّي مشرور
وبس اهلك اصيرن مسبب أوجاعك
اكًلن لك صراحة وما اضم اعليك
الكرامه عاليه وصح خاطري طاعك
صعب بيده النهر يحفرلك الابار
اذا ابصحره وبعد ميفسر ضياعك
مني طيحيتك مــــــــو لأن اثكَيل
لأن ظهري نهر وايبوّره باعك
طبع منجل تظل تكَطع خضار اصفار
وتسولف بالحصاد وتمدح اطباعك
ليغرك بُعد بالعكس بالانظار
تصغر بالعيون شما رحت غادي
وليغرك كُبر عالي الجبل بالشوف
شما يكبر يظل وك ابحضـن وادي
راسك ما عله يل ما شفت رجليك
شفايدته العلو اعله الغير اسنادي
صح انا ارض وانت جذع عملاق
لومه اتدوس بطني الحال مترادي
واذا ابعدك محصّن هذا لا مو سور
البعد هذا اشتهاك وشفته مفتوحه
واذا انت تأمن عندك جناحات
وتطير لحد بعد العيون متلوحه
لو هب العصف يتطاير اكبر طير
وايطيرة الهوه وما تنفع اجنوحه
صدكَ مو بعد غرك رحت ليغاد
صدكَ هل بعد دفعة الـَمرجوحه
الشاعر سجاد سيد محسن