مشاهدة النسخة كاملة : ديوان الشاعر / إبراهيم خليل إبراهيم
ابراهيم خليل ابراهيم
02-02-2009, 03:32 AM
قلبــــى على بابِـــــــــــك
إبراهيم خليل إبراهيم
شعر
الطبعـة الأولــى
رقم الإيداع بدار الكتب والوثـائق القومية
2009/1949
ابراهيم خليل ابراهيم
02-02-2009, 03:37 AM
أسطورة :
_______
شعر : إبراهيم خليل إبراهيم
________
أحلف بحبات العرق
سايلة تغنّى ع الجبينْ
أحلف بإنك دنيتى
واحلف بأيام الحنين
واحلف بإنك زرْعتى
واحلف بفاس الفلاحين
واحلف بدمعة فرحتى
لما بازورك يا حُسين
أحلف بترتيل الآدان
وصمود ولادك فى الميدان
إنك يا مصرى فى عبورك
كنت أسطورة زمان[/gdwl]
ابراهيم خليل ابراهيم
02-02-2009, 03:41 AM
يا كلمة الحق:
________
شعر : إبراهيم خليل إبراهيم
________
يا كلمة الحق
قولى للظلم لئة ...
وألف لأ
العدل خيله انطلق
ليل الضلام انشق
هدى جدار المحن
يدخل جراده الشق
يا كلمة الحق
قولى للظلم لئة ...
وألف لأ
عدى خيولك للسبق
قومى انصرى المظلوم
وامحى جدار الخوف
ولا يبقى فيه مهزوم
واللى طريقه الحق
مهما انكسر حيقوم
يا كلمة الحق
قولى للظلم لئة ...
وألف لأ
ابراهيم خليل ابراهيم
02-02-2009, 03:43 AM
قلبى على بابـِك :
_______
شعر : إبراهيم خليل إبراهيم
_________
يا بلدنا فى الغُربة
قلبى على بابك
سايبه هناك ..
عندك
صفحاية فى كتابك
ياجامعة أحبابك
يافاتحه أبوابك ..
لكل عُشاقك
تفديكى أروحنا
واحنا فدا ترابك
قلبى دعا ليكى
المولى يحميكى
ويقوى فـ اولادك
يا بلدنا فى الغُربة
قلبى على بابك
سايبه هناك ..
عندك
صفحاية فى كتابك
ابراهيم خليل ابراهيم
02-02-2009, 03:46 AM
يا ساكنة فى الننى :
_______
شعر : إبراهيم خليل إبراهيم
________
ديما بتدعى لى ..
ديما تباركى لى ..
ودعوتك ياأمه
قمره فـ ضلام ليلى
ورضاكى ..
فيه بركة
بتشدّلى حيلى
فى الغربة ..
اشوف ونسك
بالسعد بيجي لى
فى القسوة ...
بتحنى
ياسكنه ..
فى الننى
يدّيكى من عمرى
وياخدوا السنين منى
يا أُمى برضاكى
المولى يرضينى
ورزقى فى دعاكى
وربى يدينى
ديما بتدعى لى ..
ديما تباركى لى ..
ودعوتك ياأمه
قمره فـ ضلام ليلى
ابراهيم خليل ابراهيم
02-02-2009, 03:49 AM
يا ابنى :
_____
شعر : إبراهيم خليل إبراهيم
_______
خد منى ياابنى الحكم
علّمها لولادك
إياك يكون الجنيه
زادك وزّوَادك
ولا تندم على اللى فات
إياك تقول يا ندم
لو حظك فى يوم فاتك
خلى الإيمان قبلتك
والطاعة دى حياتك
لاجاه فى يوم ينفعك
لا مالك ولا ولادك
خد منى ياابنى الحكم
علّمها لولادك
ابراهيم خليل ابراهيم
02-02-2009, 03:54 AM
أكتوبر :
_______
شعر : إبراهيم خليل إبراهيم
________
إحكى وقول يا ورق
ع اللى كتبوا فى الدفاتر
بارليف بعزم أتحرق
وانطلقت المعابر
كسرنا بإيدينا الصخر
عدينا بحور النار
أكتوبر ..
يا عزة وفخر
أخدنا بإيدينا التّار
مبروك عليكى الفرح
اللى جابوه لولاد
بيكملوا فى صفحتك
أماجد الأجداد
ألفين سلام يا جدع
للمُسعد الجواد
ألفين سلام يا جدع
للعاطى والمصرى
بيكملوا نصرنا
والحق بيهم عاد
_____
المسعد الجواد : هو البطل عبد الجواد محمد مسعد بطل معارك الأستنزاف
للعاطى والمصرى : المقصود : محمد عبد العاطى .. ومحمد المصرى وهما من صائدى الدبابات خلال معارك اكتوبر
1973
ابراهيم خليل ابراهيم
02-02-2009, 03:59 AM
يـــا .... :
_______
شعر : إبراهيم خليل إبراهيم
_______
يا زينة الصبايا
ويا عطر البلد
ياللى حبك دوايا
وفجرى اللى اتولد
وآخر حلمى حبك
وغاية المدد
شاهدة النجوم عليا
وحواديت البلد
يا زينة الصبايا
ويا عطر البلد
ياللى حبك دوايا
وفجرى اللى اتولد
ابراهيم خليل ابراهيم
02-02-2009, 04:02 AM
القلب الكبير:
______
شعر : إبراهيم خليل إبراهيم
______
ياللى فاتح لينا بابك
للصغير والكبير
ياللى واهب قلب عطفك
للغنى ويا الفقير
السعادة فى بسمتك
والأمل من كلمتك
واللى قدمته بإيديك
تلقى خيره فى دنيتك
فى الجنة لك قصور
كل خطوه تلقى نور
ابراهيم خليل ابراهيم
02-02-2009, 04:10 AM
فؤاد حجــــــاج
_______
مهداه للشاعر الكبير ( فؤاد حجـــــاج )
________
شعر : إبراهيم خليل إبراهيم
________
طول ما انت ويانا
تروس الورشة عرقانة
فؤاد حجـاج
مهوش محتاج
نقول عنه
فؤاد حجــــــاج
كلام الحب
من فنه
ومطرز حروف العزم قنديله
ومدور سواقى الزرع بمواويله
يا صوت المسرح الدافى
يا كتف .. حماسه .. متعافى
يا طرحة نبت فـ غيطانى
يا وردة .. فى زهر بستانى
وكتانى وغناوى ..
الشيلة والعيلة
تداوى العله .. ربانى
أمانه عليك ...
ما تبعدشى
فؤاد ...
سمّعنا أخبارك
سيور العزم ما تدورشى
غير لما تقول ف أشعارك
فؤاد حجــــــــاج
مهوش محتاج
نقول عنه
فؤاد حجــــــــاج
كلام الحب
من فنه
ابراهيم خليل ابراهيم
02-02-2009, 04:14 AM
الشراقوة :
______
شعر : إبراهيم خليل إبراهيم :
________
الحقيقة وباختصار
هُمه مش عزموا القطار
دا الشراقوة ...
من كرمهم
قدموا أحسن فطار
العمدة والأهالى
قدمولهم كل غالى
فى البلد صبحت حكاية
من حكايات الليالى
أحكى يا سطور الغناوى
ع الرجولة والشهامة
والأصول والجدعنة
الحقيقة وباختصار
هُمّه مش عزموا القطار
ابراهيم خليل ابراهيم
02-02-2009, 04:18 AM
آه يا شرقاوى يا مصرى :
________
بعد أن قرأ الشاعر الكبير عاطف الجندى قصيدة ( الشراقوة ) للشاعر إبراهيم خليل إبراهيم كتب هذه القصيدة وأهداها له .
_________
الحقيقة و باختصار
أنت يا صاحبى نهار
فيه عيون الحب تدمع
لما شوقها للمزار
بيراودها
عن صباحها
عن غناويها ووجعها
عن ألمها و الدوار
لما شافت مصر عايشه
ع الجراح و يا الدمار
من سنين نكسه و تاهت
بس رجعت فى صور شتى و مَرار
إيشى صِفر ف مونديالنا
إيشى عبَّاره و قِطار
إيشى انفلونزا جايه
للطيور و معاها نار
عاوزه تهجم يوم علينا
عاوزه تاكلنا ، تموِّت
فينا و لا أشرسها تار !
آه يا شرقاوى يا مصرى
يا للى نيل الخير رواك
يا للى ابداعك فتنَّا
و الجميع يشهد معاك
لو جميع الخلق باعت
و لا ضاعت ف الشِّباك ْ
عمر مرَّه ما بعت و لا
خدعت فينا
أى حد و جه مداك
دا انت يا صاحبى حكاية
بقلب أبيض
و الطيور تمشى وراك
ابراهيم خليل ابراهيم
02-02-2009, 04:23 AM
إيـــه اللى جرى ؟ :
________
شعر : إبراهيم خليل إبراهيم
________
اللى جرى للدنيا ياناس
رزع وخبط بدون إحساس
ميكرفونات علطول بتزعق
كله صبح بيغنى خلاص
كله بيصرخ جاى ورايح
عبى شرايط وأملا صفايح
قولوا للناس دى ..
حرام وكفاية
وبلاش غم وفضايح
اللى جرى للدنيا يا ناس
اللى يعبى المال فى جرابه
ومش عامل للآخرة حسابه
الأيام حتفوت وهتجرى
والموت حيخبط على بابه
اللى جرى للدنيا يا ناس ؟
ابراهيم خليل ابراهيم
02-02-2009, 04:27 AM
محمد الدرة :
______
شعر : إبراهيم خليل إبراهيم
_______
أنا كنت مرة مع اولادى
سألونى ...
هو الدرة محمد مات ؟
نزلت دموعى
تقول حكايات
وكان جوابى عليهم
لأ .....
الدرة ساكن فى النبضات
الدرة رمز لكل ثبات
الدرة ساكن فى النبضات
ابراهيم خليل ابراهيم
02-02-2009, 04:30 AM
يا صاحبــى :
_____
شعر : إبراهيم خليل إبراهيم
________
يا حاسس بأحوالى
يا نبض الروح فى موالى
احترت انا فيك
إزاى أراضيك
وانا قلبى عليك
وانت الغالى
يا صاحـبى
اللُقمة زمان ..
قسمناها
والفرحة كمان..
حضناها
والدمعة على خدودنا ..
مسارها
والغُربة الصعبة ...
خُضناها
يا صاحبى
ابراهيم خليل ابراهيم
02-02-2009, 04:32 AM
تعظيم .. ســلام :
_______
شعر : إبراهيم خليل إبراهيم
_______
تعظيم سلام ..
يا بلد
للى بيصونوا التراب
واللى قال كلمته
فى وش عشاق الخراب
واللى عاش محنته
رغم أنواع العذاب
هو مات ؟!
بس الحقيقة
هو عمره ما غاب
تعظيم سلام ..
يا بلد
للى بيصونوا التراب
واللى رمى جزمته
فى وش عشاق الخراب
تعظيم سلام ..
يا بلد
ابراهيم خليل ابراهيم
02-02-2009, 04:35 AM
ليـــــه ؟:
________
شعر : إبراهيم خليل إبراهيم
_________
ليه قلوبنا اتفرقت
ليه نفوسنا اتغيرت
والرتوش على الوشوش
زى ضحكة مستر بوش
ليه ..؟
ليه نبيع ضمايرنا
ليه بنغلط
ونرجع نلوم غيرنا
ليه نبص تحت رجلينا
وان وقعنا
نقول .. دا قدرنا
ابراهيم خليل ابراهيم
02-02-2009, 04:38 AM
تعالــــوا :
_____
شعر : إبراهيم خليل إبراهيم
______
تعالوا نحضن شمسنا
ونفتح لها الأبواب
ونسيب لنور الفجر طاقة
و نسيب لضي الشمس باب
ونخلى فجر الحب يطلع
وضيه حيقيد السحاب
نجمع إيدينا ...
نُضمها ..
سد فى عيون الدياب ..
و نخضّر الأرض اللى شابت
و نسقى بعرقنا التراب
تطرح سنابل قمحنا
ونعمر الأرض الخراب
بالحب نجمع شملنا
ولا حكم لاولاد الكلاب
ورأى واحد يضمنا
متجمعين أحباب
حبل الفراق دا نقطعه
وبلاش نعيش أغراب
تعالوا نحضن شمسنا
ونفتح لها الأبواب
ونسيب لنور الفجر طاقة
و نسيب لضي الشمس باب
ابراهيم خليل ابراهيم
02-02-2009, 04:40 AM
صايم رمضان :
______
شعر : إبراهيم خليل إبراهيم
______
طهر قلبك بالإيمان
راح تغلب كيد الشيطان
أتقوى بالصبر فى صومك
واتسلح وأقرا القرآن
مـ الصوم تتعلم
حكمة
وتحس بجوع الغلبان
تتقوى بعزمك عـ الجوع
وتزيد من فعل الإحسان
وتشوف المحتاج ...
إيه ماله ؟
ولما تحس بأحواله
الصبر يكون علم قلبك
وبعطفك يتغير حاله
ابراهيم خليل ابراهيم
02-02-2009, 04:43 AM
ياابن بلدى :
_____
شعر : إبراهيم خليل إبراهيم
________
خلى يوم وعدك سلاحك
أوعى مرة تبيع ضميرك
يجرى ويجيلك نجاحك
ويشهدوا الناس بخيرك
خلى توب الصبر حصنك
والفضيلة وحكمتك
يعلى فوق بالعدل أسمك
بكل صدق فى كلمتك
خلى باب الصبر بابك
وأنت عيش صاحى الضمير
خلى حب الخير آمالك
تحصد الخير الكتير
ابراهيم خليل ابراهيم
02-02-2009, 04:45 AM
الـــزاد :
______
شعر : إبراهيم خليل إبراهيم
______
الله ع الحب جامع
شمل قلوب العباد
يصحى الود فينا
ويدوقنا الوداد
ويحبب القلوب
بالشوق من غير ميعاد
ويملا قلوبنا تقوى
وينسينا العناد
الله ع الفجر نوره
ونعمة الإله
صحا الغافلين يتوبوا
ويقوموا للصلاه
الله ع الحب جامع
شمل قلوب العباد
يصحى الود فينا
ويدوقنا الوداد
ابراهيم خليل ابراهيم
02-02-2009, 04:47 AM
عندليب النغم :
______
شعر : إبراهيم خليل إبراهيم
________
ضاع النغم مـ الوتر
وانا لسه مستنى
تعالى عيد مجدنا
يا عندليب غنى
كنت انت نجم النغم
هجرت طيور الهوى
راحت خلاص منى
يا عندليب النغم
شوف الطرب ماله
حاله أصبح عدم
تعالى شوف حاله
بيغنوا فى الدرَبُكهْ
والكل بيغنى
راجل وغاوى الغُنا
والعيلة وعياله
فنك برغم السفر
لسه هنا موجود
التوبة فين وابتدا
وجانا الهوى وموعود
الفن فين يا حُلم ..؟
الفن اللى ماله حدود
ابراهيم خليل ابراهيم
02-02-2009, 04:49 AM
قلمـــى :
_______
شعر : إبراهيم خليل إبراهيم
________
يا قلمى ياللى حرفك
يبدد الندم
بصب حزنى فــيك
تخفف الألم
بيك الناس بتعرف
وتبقى الضلمة نور
وبنرسم بيك آمالنا
وبتنبض بالشعور
بادعيلك تبقى جنبى
ومنارة فى سكتى
أنت اللى بيك
بتوصل وتنوَّر كلمتى
كلمة بتهدى ظالم
وكلمة بترضى عالم
يا قلمى ياللى حرفك
يبدد الندم
بصب حزنى فــيك
تخفف الألم
ابراهيم خليل ابراهيم
02-02-2009, 04:54 AM
تخفف الألم
الشاعر فى سطور :
_________
إبراهيم خليل إبراهيم
بكالوريوس إدارة الأعمال
عضو اتحاد كتاب الانترنت العرب
عضو اتحاد كتاب مصر
محاضر مركزى بالهيئة العامة لقصور الثقافة
عضو نادى الأدب بقصر ثقافة كفر شكر
المستشار الاعلامي للإصدارات الأدبية التي تصدرها اللجنة الثقافية بجمعية حلم الحياة .
مستشار التحرير للإصدارات الأدبية التي يصدرها الصالون الثقافي بمرصفا
كاتب بصحيفة ( دنيا الوطن ) الفلسطينية .
محرر بمجلة ( اتصالات المستقبل )
مراسل وكالة wata للأنباء
كاتب بصحيفة الأخبار المغربية
كاتب بصحيفة الوطن المغربية
عمل محررا صحفيا فى جريدة عيون مصر والنبأ والحياة والفداء والشراقوه والفلاح المصرى والإنسان ومجلة صوت الشرقية
ترأس تحرير مجلات : الفيروز والمنار والاثنين والعروبة الإذاعية والتى كانت تذاع ببرنامج ( ما يكتبه الشباب) بإذاعة الشباب والرياضة .
تم اعتماده متحدثا ومعدا للبرامج بالإذاعة منذ عام 1987م .
تنشر كتاباته في العديد من الدوريات المصرية والعربية .
أذيعت كتاباته الإسلامية التى نشرت بجريدة المساء (المساء الديني ) في برنامج ( كتابات إسلامية ) بإذاعة القران الكريم المصرية
عضو الجمعية المصرية للمترجمين واللغويين .
عضو الجمعية المصرية لرعاية المواهب .
يعد من أصغر الكتاب (سنا) الذين نشروا كتاباتهم في مجلة العربي الكويتية عندما نشر موضوعه فى العدد رقم 423 الصادر فى الأول من شهر فبراير عام 1994 فى باب ( فكر ) بعنوان ( رمضان فى ذاكرة التاريخ )
قامت ( دار العلم للجميع ) بتسجيل كتاب ( ملامح مصرية ) على أشرطة الكاسيت للمكفوفين .
فاز بأكثر من مرة بالمركز الأول والمركز الثانى والمركز الثالث فى برنامج ( مسابقة الشهر ) الثقافية والذى كان يذاع عبر أثير إذاعة الشباب والرياضة ..
فاز بجائزة المجلة العربية السعودية فى شهر مارس عام 1994
فاز بجائزة مجلة الجيل السعودية أكثر من مرة
فاز بجائزة مجلة التوباد السعودية عام 2000
فى السابع عشر من شهر مارس عام 2002 منحه الأستاذ الدكتور ( مفيد شهاب الدين ) وزير التعليم العالي و الدولة للبحث العلمي شهادة تقدير تقديراً لكتابه ( العندليب لا يغيب )
فى العاشر من شهر أغسطس عام 2006 استضافه وكرمه الصالون الثقافى بمرصفا برئاسة الشاعر ( رفعت عبد الوهاب المرصفى )
فاز بجائزة ( الخبر الأميز ) فى مسابقة (سيدة الكويت) والتى أعلنت نتائجها فى شهر سبتمبر 2007.
فاز بالمركز الثالث فى مسابقة مرافئ الوجدان الثقافية ( فرع المقال ) والتى أعلنت نتائجها فى شهر أغسطس 2007 .
حصل على وسام ( الكاتب المميز ) والوسام الذهبى من منتديات أبناء ليبيا فى عام 2007
كرمته الجمعية الدولية للمترجمين واللغويين العرب فى الأول من شهر يناير عام 2008 مع نخبة من الباحثين والمبدعين والمترجمين من أبناء الأمة العربية .
كرمته الجمعية المصرية للمترجمين واللغويين مع نخبة من المبدعين المصريين فى الثامن من شهر مارس عام 2008
إصداراته:
______
• ملامح مصريه
• العندليب لا يغيب
• من سجلات الشرف
• أصوات من السماء
• رؤى إبداعية فى شعر رفعت المرصفى ( فى طبعتين )
• أول أعوام الدفء – كتاب أدبى مشترك
• الحب والوطن فى شعر فاروق جويدة
• وطنى حبييى
• موسوعة حلوة بلادى – ( أجزاء )
• قال التاريخ
_____
هذا الديوان تم نشره ورقيا ومن ثم حقوق الطبع والنشر محفوظة للشاعر [/gdwl]